狐狸精奇談（二）

寧波人吳先生乃歡場常客，後來愛上了一雙狐女，更常常幽會，可是仍不時出入青樓。

一天，狐女勸吳先生：「我有一樣本事，就係可以幻化成不同樣貌，凡係你喜歡嘅女子，我睇一眼就可以變成同樣面貌。只要你諗一諗，我就可以幻化喇，唔係比用錢買笑更好？」

吳先生姑且一試，果然狐女頃刻之間變身成美艷女公關，一模一樣。

從此吳先生絕跡歡場。

日子一久，吳先生開始生厭，就對狐女說：「晚晚都有靚女嘆，認真痛快，但係始終都係你幻化出嚟，仲係差梗啲嘢嘅。」

狐女就話：「唔係吖，二人歡好，都係兩心感應，豈會因為我幻化而有唔同？兩情相悅，無論相對一刻、一日、一個月，又或者一年、幾十年，都總有分開嘅一日，又有乜嘢分別？都只不過係一場春夢，係唔係幻化都一樣啦。就算兩人感情深厚，終日聚首，但係個樣一日老過一日，舊時個靚樣都唔存在，咁同我幻化有乜分別？」

吳先生詑異非常，幡然開悟。數年後狐女離去，他也不再混跡風月地了。